TRAONE VAN ‘T LACHE

Traone van ’t lache, dat hou v’r uch ‘t kómmend weekend wille beje. Meh ouch dees activiteit kin v’r neet door laote gaon. In dees tieje van nog ummer e väöl te hoag aantal besjmèttinge ving v’r ‘t óngepas en ónverantwoord groate groepe luuj bie ein te bringe.

Besjlaote is óm dit dan ouch oet te sjtèlle en op e later moment in 2022 weer op te pakke. Luuj die al kaarte gekoch höbbe zul v’r benadere en hun ’t geld truk gaeve.

Veur de res blif ’t aafwachte wat ’t sezoen nog geit bringe en wat meugelik geit waere. V’r blieve de actualiteit volge en zulle dao op insjpele.

Blief gezónd en tot ’t volgende Taarbreuk Nuuts.

Alaaf
CV de Taarbreuk

Traone van ’t lache, die gaot g’r zeker kriege es g’r op 27 of 28 november nao ’t Gemeinsjapshoes kómp. V’r haole 6 toppers van buutereedners nao Sjömmert die uch gaon traktere op ‘ne ónvergaetelike aovend of middig. De presentatie is in heng van Hub Stassen, dae dat mit de neuëdige humor zal invölle.

Entreekaarte koste € 17,50 en kint g’r òngeraan dees pagina besjtèlle of bie Soons in de winkel.

Het sjprik veur zich dat v’r ós aan de corona-maotreigele houte. Dat beteikent dat g’r in eder geval ’n coronatoegangsbewies neuëdig höb óm binne te kómme. D’r kint natuurlik nog vanalles verangere nao ’t sjrieve van dit berich. Blief wat dat betref ós website, facebook pagina en ’t kómmende Taarbreuk nuuts in de gate houte.

ALAAF,
CV de Taarbreuk | Sjömmert