‘T COMITÉ

’t Comité is veur de Taarbreuk hieël belangriek. De luu van dit comité verzètte óngeluifelik väöl werk, dèk achter de sjerme. Ze sjtaon ummer veur ós klaor, niks is hun te väöl. Veur de zittinge, helpe mit de zaal aankleije en de ganse organisatie veur, ónger en noa de zittinge. Wat dach g’r wat ’t veur werk is óm d’n optoch te organisere, wages cóntrolere, probere d’n optoch good te laote doortrèkke wat neet zoa sumpel is en de meziek op de wages op sjterkte cóntrolere.

Es veer de Prins gaon aafhaole weurt ouch alles door ’t comité gereigeld: de route aafzètte, de kèrk mit versere en zörge dat alles in orde is veur ’t oplaote van de Taarbrook bie de pastorie.

’t Is ene hechte groep. Same make ze eder joar e prachtig leedje veur ’t leedjeskonkoers wo ze al dèk in de pries zin gevalle.