Thei Eijssen

Aafgeloupe waek höb v’r helaas aafsjeid mótte numme van óze ière vorst Thei Eijssen. Jaore lank waor hae es veurzitter en vorst het gezich en de sjpraeker van ós vereiniging. Ziene inzat waor groat, en dat neet allein veur De Taarbreuk. Ouch toen hae gein raodslid miè waor bleef hae ós en de Sjömmertse carnaval e werm hart toedrage.

Aafgeloupe zaoterdig höb v’r heum nao zien lètste rösplaats maoge begeleide.

Thei, bedank veur alles was te veur De Taarbreuk gedaon höbs.
V’r wunsje Betsie en zien gezin väöl sjterkte bie het verwèrke van dit verlees.

CV De Taarbreuk Sjömmert