TAARBREUK NUUTS

Taarbreuk Nuuts

De lede van de Raod kieke mit e raar geveul truk op aafgeloupe weekend, dat normaal gesjpraoke ‘t zittingweekend gewaes zou zin. En datzelfde is óngetwiefeld ouch zoa veur ederein dae aan de zittinge mitwèrk. Diezelfde zittinge zin altied ‘t sjtartpunt van ós activiteite richting ‘t carnavalsweekend.

Dit is ouch ‘t moment dat ‘t dörp langzaam road, gael en greun begint te kleure. Veer gaon dat in eder geval doon en vraoge uch ouch óm dat te doon. Óm uch daomit te óngersjteune  gaon v’r uch op waeg helpe, meh daoeuver volgende waek mië. Vlagge en wimpels zin gewoon te koup. Es g’r Edward belt op 045-4042347 dan lèk hae ze gaer veur uch klaor. Bie de lede van de Raod kint g’r natuurlik ouch terech.

‘t Krankebezeuk kint neet op de gebrukelike meneer plaatsvinge. V’r zulle dat dit jaor angesj organisere raekening houtend mit de 1,5 maeter-reigel. Carnavalszaoterdig 13 februari waere de fruitmendjes bezörg en daobie houte veer ós aan de maotreigele van dat moment. Dao euver ouch later mië.

Óngertösje gaon veer get ideeë oetwèrke óm uch get van carnaval 2021 te laote preuve. De actualiteit zèt missjien ‘n sjtreep door ‘n aantal opties meh dat is dan neet angesj. Hout ouch ós facebook pagina en website in de gate veur informatie en berichte.

Alaaf en tot volgende waek

Prins Wouter, Vors Pascal en de Raod van Ėlf