CARNAVALSMÈS

Zondig om 11:00oer is de carnavalsmès en v’r zin erg blie dat die in eder geval kint doorgaon. Ómdat d’r mèr 30 luuj in de kèrk maoge en ómdat v’r weite dat normaal gesjpraoke väöl luuj op dizze daag nao dees mès kómme höb v’r same mit ’t kèrkbesjtuur besjlaote d’n deens via ‘ne livestream oet te zende. Via de website van de parochie, of via óngerstaonde link kint g’r de mès heim volge. ’t Zal besjlis weer de meujte waert zin óm dit mit te make.

https://player1.virovideo.live/