Mit väöl plezeer kiek v’r truk op de receptie van aafgeloupe zóndig. Prins Karsten I en de jubilarisse Geran en Wendy höbbe väöl felicitaties in óntvangs maoge numme. Sjiek óm te zeen dat ederein zich de meujte nump óm d’r get speciaals van te make. Dit maak de receptie e sjoan en ónvergaetelik hoagtepunt veur de Prins en de jubilarisse in dit sezoen.
Zóndig höb v’r ouch bekind gemaak wae dit jaor bie de sjleuteleurverdrach, carnavalsvriedig in Hölsberg, de Orde van Verdeenste krig oetgereik door de börgemeister. Op veurdrach van De Taarbreuk geit dees orde nao Wendy Kuipers – Ramakers. Häör jubileum es 2x 11 jaor trainster van ós dansmariekes en alle anger dinger die Wendy veur de Sjömmertse Zittinge en carnaval deit en gedaon haet waore veur De Taarbreuk genóg raeje óm häör veur te drage. Wendy nogmaals proficiat en op carnavalsvriedig maogs te de medaille in óntvangs numme.
Op de foto (v.l.n.r.):
Geran Soons 1x11jaor trainster Dansmariekes
Wendy Kuipers-Ramakers 2×11 jaor trainster Dansmariekes
Prins Karsten I
Vors Pascal