Oetneuëdiging

Kómmende zóndig kint g’r Prins Karsten I kómme felicitere op zien prinsereceptie. Same mit häöm zulle ouch ós 2 jubilarisse op receptie sjtaon.

Geran Soons is 1×11 jaor trainster van ós dansmariekes en Wendy Kuipers al 2×11 jaor. Vanaaf 14:11 oer kint g’r hun kómme felicitere in ‘t Gemeinsjapshoes.

Aansjletend is ’t prinsebal mit meziek van DJ Kasper. V’r wunsje hun ’n sjoan receptie en houpe uch natuurlik allemaol te zeen.

De poster mit de foto van Prins Karsten I is te koup bie Soons in de winkel en bie Plus Knols. Hae kós mer € 1,- en dae maog toch zeker neet óntbraeke bie de versering van uch hoes en vinster?

Alaaf

Vors Pascal, Prins Karsten I en de Raod van Èlf.