Äöpening Sezoen 2019-2020

Maondig de 11de van de 11de höbbe veer ’t carnavalssezoen geäöpend. De wisseling van prinsetempel haet toen plaatsgevónge en dit sezoen zal Café Oos Heim dat zin. Veuraaf zin v’r Raymond & Petra van ’t Weverke natuurlik gaon bedanke veur hun gasvrieheid in ’t aafgeloupe jaor.

Bie de äöpening waere eder jaor ouch alle wisselinge in de Raod officieel gemaak. Paul Offermans is gïnstalleerd es raodslid es opvolger van Piet Keulers. Nogmaals óze groate dank aan Piet & Han veur alles wat zie veur De Taarbreuk gedaon höbbe. En proficiat en welkom Paul & Estelle.

Omdat Piet ouch secretaris waor zin v’r ouch op zeuk mótte gaon nao ‘ne opvolger daoveur. Roger Slakhorst geit die taak op zich numme, dus alle pos veur De Taarbreuk kint noe nao Hoofsjtraot 58 of nao info@taarbreuk.nl

Óm alles weer cómpleet te make is André Eijssen besjtuurslid wore en haet ‘r de taak van penningmeister van Pascal euvergenómme. Dat beteikent dat alle raekeninge vanaaf noe nao Rozemarijnsjtraot 15a of nao penningmeister@taarbreuk.nl kinne.

Alaaf,
Vors Pascal, Prins Jules I en de Wieze Raod.