RECEPTIE
’n Sjieke receptie, dat waor de reactie van Prins Max I en de jubilarisse. Väöl luuj houwe zich de meujte genómme nao ’t Gemeinsjapshoes te kómme óm hun te felicitere en de neuëdige kado’s te gaeve. Dit zörg veur e sjoan hoagtepunt in dit bezónder jaor veur óze Prins en de jubilarisse. Names hun maog v’r uch dao dan ouch allemaol veur bedanke.
Ouch is op de receptie bekind gemaak wae dit jaor de Orde van Verdeenste zal kriege. Dit jaor geit die nao Marcel Sieben, 33 jaor lid van ós Comité. Neet allein veur zien verdeenste binne ’t Comité meh ouch bie väöl anger activiteite in Sjömmert is hae betrokke. Carnavalsvriedig bie de sjleuteleuverdrach in ós eige Gemeinsjapshoes is dees Orde door de börgemeister oetgereik.
