DANKWEURDJE PRINS WOUTER
Onvergaetelik, hartverwermend, gezellig, sfeervol en verrassjend.
Dat waore get weurd wo ich veurig jaor mien dankweurdje mit begós.
In principe hoof ich die weurd neet te verangere óm de aafgeloupe carnaval te ómsjrieve, allein dit jaor mit ‘n iets ingetogener tintje.
‘t Waor e weekend wo ‘t kwik neet allein boete ónger de nöl grade dook, ouch in de de kèrk zaote genóg luuj mit road gekleurde wengskes. Óndanks al die kou waore de activiteite, en wie de luuj zich ‘bie-ein pakde’ hiël verwermend óm te zeen. Sjiek wat óndanks alle beperkinge toch georganiseerd is.
E paar dinger zulle mich zeker bieblieve. De mès op zóndig en het oplaote van de Taarbrook meh waal zónger ‘t groate aantal luuj dat d’r normaal bie is en daonao ‘ne 5 oer doerende kienmiddig veur de jeug van de basissjoal. Aan de gesjpanne gezichte te zeen höbbe zich hie neet allein de kinger meh zeker ouch de ouwersj good mit geammezeerd.
Bezónder waor ouch ‘t aafsjlete van de carnaval. Dit jaor neet door ‘t inlevere van de brook meh digitaal mit de lede van de Raod ónger ‘t genot van e lekker borrelplenkske.
Veurig jaor sjreef ich tot de 11e van de 11e. Jaomer genóg höb v’r ós dit jaor neet op de gebroekelike meneer gezeen. Kómmend jaor kin v’r houpelik waal same de sjtart van ’t sezoen viere.
Tot dan en hout uch gezónd!
Alaaf en tot de 11e van de 11e.
Prins Wouter