DINERE OP SJIÈK VEUR NUUJ DANSMARIEKES PEKSKES

Nuuts

12 JANUARI 2019

INSJRIEF FORMELEER ‘DINERE OP SJIÈK VEUR NUUJ DANSMARIEKES PEKSKES’.

Nao ’t versjture van dit insjrief formeleer ontvank g’r via mail miè informatie om uch reservering definitief te make.

DINERE OP SJIÈK VEUR NUUJ DANSMARIEKES PEKSKES.

Op zaoterdig 12 januari kint g’r kómme dinere in ’t Gemeinsjapshoes. En dat weurt neet zoa mer e diner. ’t Weurt georganiseerd door de Taarbreuk mit es doel nuuj pekskes veur ós dansmariekes.

De gerechte waere geserveerd volges ’t principe van ‘shared dining’ en ’t diner zal oet veer geng besjtaon. V’r sjlete aaf mit ’n tas koffie of thee mit get debie. De zaal van ’t Gemeinsjapshoes weurt ingerich mit sjiek aangekleijde rón taofele wo g’r mit ach persone aan kint zitte. Opgave mit ach man same beteikent dat g’r same aan ’n taofel zit. Opgaeve mit minder dan ach persone kint natuurlik ouch!

Vanaaf 18:30 oer is de óntvangs mit e welkomsdrenkske en óm 19:00 oer kint g’r aan taofel.

De iësjte gank besjteit oet zeve versjillende veurgerechte p.p. die op taofel sjtaon es g’r gaot zitte.

Daonao weurt de sop aan taofel geserveerd.

’t Hoofgerech besjteit ouch weer oet zeve versjillende gerechte p.p. die op sjale bie uch op taofel waere gezat. Ederein kint zich pakke wat ‘r lekker vink. D’r is vleisj, vösj en vegetarisch, zao weurt mit de wunsje en veurkeure van ederein raekening gehoute. 

Es lètste gerech waere dan ’n aantal versjillende deserts op taofel gezat, ouch weer veur alle sjmake get.

Tot sjlot krit g’r dan ’n tas koffie of thee mit nog get zeuts debie. 

Bie edere gank zit e biepassend glaas wien (of get angesj veur wae geine wien drink)

Tösje de geng door kint g’r genete van de muziekale talente van nemes minder es Celine Weerts, dat speciaal veur deze aovend e program zal insjtudere. Nao aafloup zörge veer veur gezellige muziek zoadat g’r nog get kint naokalle.

Noe vraog geer uch waarsjienlik aaf wat dat geit koste. De pries van ’t diner incl. de drank ónger ’t aete is € 66,- per persoon. Van dit bedraag geit gegarandeerd € 22,- nao de pekskes van ós dansmariekes.

Veer houpe dat g’r nao ’t laeze van deze folder zin höb gekrege en dat v’r uch op 12 januari maoge begroete in ’t Gemeinsjapshoes.

Opgaeve kint g’r op versjillende menere veur 7 januari 2019:

Via ’t insjrief formeleer baove aan de pagina
OF
Bie Soons in de winkel ’t formeleer invölle.

Lèt waal: uch opgave is pas definitief es eur betaling binne is.

Alaaf, Vors Pascal en de Raod van Èlf.