VEURRUNDE LIMBURGSE BUTEKAMPIOENSJAPPE
Maondig 18 november 2019, ’t Gemeinsjapshoes Sjömmert
Zoawie g’r mesjien al geheuërd höb maoge veer op maondig 18 november ’n veurrunde van de Limburgse Butekampioensjappe organisere. Op dizze aovend zulle 7 butereedners hun buut veurdrage. Ze houpe daomit ’n plaats in de finale te bemachtige.
Volgens veursjrifte van de LVKA mótte de kaarte via internet verkoch waere. Dat beteikent dat v’r gein kaarte veur uch kinne weglègke.
De verkoup sjtart op 9 november om 11:00oer via ós website. Oet de reacties die v’r noe al kriege bliek dat d’r väöl luuj wille komme, dus…
Lèt Waal op: g’r kint maximaal 2 kaarte per persoon besjtèlle. V’r wille zoaveul meugelik luuj de kans gaeve kaarte te bemachtige.
De aovend weurt gehoute in ’t Gemeinsjapshoes en begint óm 20:00oer. De zaal geit aope vanaaf 19:00oer.
Alaaf,
CV de Taarbreuk | Sjömmert