Sjömmertse Zittinge
dónderdig 23 januari, is de aaftrap van de Sjömmertse Zittinge. Zoa wie gewind höbbe de seniore de première. Óm 18:30 geit de zaal aope en de zitting begint óm 19:11. De entree is €7,50 en dao zit ’n tas koffie of thee mit e sjtök cake bie inbegrepe.
Vriedigaovend is de twiëde aovend en veur dizze aovend zin nog get kaarte te koup bie Soons in de winkel en eventueel aan de entree op de aovend zelf. Nao aafloup is ederein welkom óm same mit ós nog e paar gezellige urkes te genete van de meziek van DJ Wouter.
Zaoterdigaovend sjleet v’r de zitting aaf mit ’t oetrope van de 69e prins. Nao aafloup geit de zaal aope en kint g’r de nuuje prins kómme felicitere mit zien oetreuping. De entreepries veur vriedig en zaoterdig is € 11,00 en v’r beginne óm 20:11 precies.
Zóndig weurt dees zittingwaek aafgesjlaote mit de Kingerzitting, veur en door kinger van de basissjoal. Vanaaf 13:30 geit de zaal aope en kinne de kinger de nuuje prins kómme felicitere mit zien oetreuping. Es bedankje veur hun felicitatie zal hae hun traktere op get lekkersj. De Kingerzitting begint óm 14:11 en de entreepries veur de kinger is € 1,00. Volwassene betale € 5,00 óm binne te kómme. Nao aafloup zörg DJ Kasper veur leuke meziek óm te sjpringe mit de nuuje Prins.
V’r zeen uch gaer kómme óm same te genete van wat de Sjömmertse artieste ós weer gaon laote zeen.
Alaaf
Vors Pascal, Prins Karsten I en de Raod van Èlf.