Taarbreuk Nuuts
Wat waor ’t weer sjiek! V’r höbbe genaote van de Sjömmertse Zittinge van dit jaor. En väöl publiek mit ós. Edere daag ’n volle zaal mit luuj die kóste kieke nao good verzörgde optraejes. Veur en achter de sjerme haet ederein d’r alles aan gedaon óm d’r ’n gesjlaagde editie van te make. En dat is zeker gelök. Dank daoveur. Zaoterdigaovend is Prins Chiel I oetgerope es 70e prins van CV De Taarbreuk. Zóndig 1 februari is zien prinsereceptie en dan kint g’r häöm en de jubilarisse kómme felicitere. In ’t vólgend parochieblaedje kint g’r hie mië euver laeze.
Oud-Prins Max I en zien familie wil v’r danke veur ’t aafgeloupe sezoen. Same höb v’r väöl sjoan momente belaef. Zeker ouch dank veur ’t unieke kado dat v’r zulle drage es ’n herinnering aan dien jaor es prins van Sjömmert.
Vanaaf kómmend weekend gaon v’r beginne mit de krankebezeuke. Es g’r hie euver get wilt weite kint g’r ‘t bèste mit André Eijssen kóntak opnumme. Zien nummer is: 06-22 23 66 86.
Taarbreuk vlagge
Nao de kaesjsjterre en anger kaesjverlichting kump d’r weer ruimte veur carnavalskleure in de sjtraot. Dao pas ’n Taarbreukvlag natuurlik good bie. Ze zin te koup bie Soons in de winkel, in de normale maot en groat van 2 x 3 mtr. Ouch de wimpels veur achter de vinster zin nog te kriege.
Alaaf
Prins Chiel I, vors Pascal en de Raod van Èlf.