Taarbreuk Nuuts
De Taarbreuk zin langzaam bie aan ‘t kómme van ‘ne geweldige zittingmarathon. Zeker dit jaor is d’r ‘n groate insjpanning geleverd door ederein dae hie aan mitgewèrk haet. ‘t Waore intensieve veurbereidinge ómdat v’r de ièsjte kièr in ‘t nuujt Gemeinsjapshoes ós zittinge höbbe gehoute. Me ‘t haet zich geloand. Zeker veur de technische manne waor de oetdaging groat en daoveur höbbe veer ze dit jaor ins extra in het zunneke gezat. Ze höbbe ‘t verdeend. Mit de nuuj beheersters Jaenine en Pam höbbe veer prettig samegewèrk, dat geuf vertroewe veur de toekoms.
Óndanks de korte veurbereidingstied höbbe alle artieste sjoan optraejes neergezat en dat bleek waal oet de reacties van de zaal. Geer ouch bedank hieveur!
Oud Prins Tim I wille veer gaer bedanke. Hae haet zien jaor es Prins van Sjömmert fantastisch ingevöld. De sjoan vaere die hae aan ós gesjónke haet zulle door ziene opvolger mit trots gedrage waere.
Es nuuje Prins höbbe veer Prins Stan I oet de Vauwerhofwaeg maoge oetrope. Zien prinsereceptie zal op zóndig 28 januari gehoute waere, me daoeuver volgende waek miè.
Prins Stan I geit same mit de Raod beginne aan de jaorlikse krankebezeuke, die groatendeils in de weekends tot aan de carnaval zulle plaatsvinge. Es geer hie euver get wilt weite kint geer ‘t bèste mit André Eijssen kontak opnumme. Dae reigelt dat allemaol. Zien nummer is: 06-22 23 66 86.
Prins Stan I, Vors Pascal en de Raod van Èlf.