ÄÖPENE SEZOEN
11 NOVEMBER 2018
Op de 11e van de 11e höbbe veer ’t carnavalssezoen 2018-2019 geäöpend. V’r zin ós vereinigingsfoto’s bie Café Oos Heim gaon ophaole en höbbe Jo en Lil bedank veur hun gasvrieheid in ’t aafgeloupe jaor. Dees foto’s zin v’r daonao bie ’t Weverke gaon ophange óm te laote zeen dat dao óze tempel veur dit sezoen is. Alle wisselinge in de vereiniging waere ouch ummer op dae daag officieel gemaak. Zoa mooste v’r aafsjeid numme van e lid van ós Comité en van twië raodslede. Harold Cordeweners is gesjtop es Comitélid en v’r höbbe häöm dan ouch bedank veur de tied dae hae dao in gesjtaoke haet. Bie de Raod höb v’r aafsjeid mótte numme van Peter Dols en van Mark Kuypers. Dat aafsjeid numme dege v’r neet gaer mè v’r mótte hun besjlissing respectere. Peter en Marc, ouch aan uch zin v’r groate dank versjöldig en gelökkig höb geer aangegaeve dat g’r betrokke wilt blieve bie de Sjömmertse Carnaval.
Wae Peter en Marc ging opvolge dat höb v’r al veur de zomer bekind gemaak. Roel Doomen en Tim Speetjens zin de twië manne die óze Raod weer compleet make. En zóndig waor dan het moment dat zie geïnstalleerd zin es nuuj Raodslede. Roel en Tim, same mit Mariëlle en Selaine, nog ins proficiat en veer höbbe d’r alle vertroewe in dat v’r de goej keus gemaak höbbe.
Alaaf.
Vors Pascal, Prins Stan I en de Wieze Raod.
Klik hier voor foto’s