Oetreuping Prinses CV De Groate

Vriedig 24 november waore veer te gas bie de oetreuping van de prinses van “CV de Groate“. Op deze gezellige aovend, dea muzikaal verzurg woord door “de Spikes” en “DJ Marco”, reep dees vereiniging hun Ièrsjte prinses oet.  Veer es Taarbreuk waore oetgenuedig. Prinses Megan Peters versjeen, nao ut leedje “Os Prinses” van “Noats gesjaote is altied mis”,  ten tonele. Zie wurd biegesjtange door de hofdame Femke Habets.  Ut waor eine gesjlaagde aovend! CV de Groate heat ouch aangegeave om op Carnavalsvriedig de vertroewde “disco” weer nuuj leave in te gaon blaoze.