AUWT PRINS STAN I
DANKWEURDJE AUWT PRINS STAN I
Bèste luuj van Sjömmert,
Nao de lètste sjieke zittinge waor dan ech d’n tied gekómme óm mien jaor es 62e prins van CV de Taarbreuk aaf te sjlete. En dat höb ich mit de Raod, mien vriendin Donnee, familie, vrung en alle aanwezige bie de zittinge dan ouch hiël good gedaon.
De zittinge zelf waore ‘n ganse belaevenis veur mich es prins. Fantastisch óm te zeen dat al die luuj die zich zoa ingezat höbbe veur dees zittinge zoa genaote höbbe van hun eige optraejes. Dit alles meugelik gemaak door de luuj die achter de sjerme höbbe mitgewèrk. Wodoor alle toesjouwersj zich höbbe vermaak mit de meziek, ‘t danse en alle anger gekkigheid. Wie ich genaote höb van ‘t jaor dat huö ich al dèk mit ederein gedeild en dat haet ouch waal ech ederein kinne zeen aan miene glimlach dae vanaaf ‘t oetrope tot en mit ‘t aaftraeje op mien gezich zaot.
Ich vóng ‘t ouch ech harsjtikke sjiek óm miene opvolger, Prins Jules 1e, te zeen sjtraole op ziene iëjste aovend es 63e prins van CV de Taarbreuk. Ich wunsj häöm e sjoan carnavalssezoen toe!
Oud Prins Stan I
Taarbreuk Nuuts
Aan de weurd van oud Prins Stan I hoof ich neet veul toe te voege. Toch wil ich ouch names De Taarbreuk ederein bedanke dae op wat veur meneer dan ouch zien biedrage haet geleverd aan de zittinge van aafgeloupe waek. Prins Stan wil v’r bedanke veur zien sjoan aafsjeidskado, een pekske veur oos dansmariekes. Dao zin veer natuurlik erreg blie mit!
Es nuuje prins is Prins Jules I oetgerope en op 17 februari hilt hae zin prinsereceptie, dan kint ger heum komme felicitere, mè dao euver volgende waek miè.
Vanaaf kommend weekend gaon veer beginnen mit de krankebezeuke. Es geer hie euver get wilt weite kint geer ‘t bèste mit André Eijssen kontak opnumme. Zien nummer is: 06-22 23 66 86.
Prins Jules I, Vors Pascal en de Raod van Èlf.